Meta di e fundashon aki en general ta pa desaroyá i mehorá kalidat di nos enseñansa.Esaki ta enserá básikamente promové i garantisá un desaroyo profeshonal di tur esnan ku ta laborá den nos enseñansa. Pa logra esaki naturalmente mester yega na kriterionan entorno kalidat. Pa garantisá desaroyo di e meta aki mester tin un nivel di konsenshi di tur esnan ku ta formulá i ehekutá maneho di nos enseñansa di e importansha di esaki. Esaki ta importante ya ku e meta di e maneho mester kubri desaroyo di e proseso di alsamentu di kalidat di nos enseñansa en general i di e personal dosente en partikular.

Tur esaki ta eksigí un forma di koperashon ku ekspertonan di enseñansa, instanshanan di enseñansa i tur esnan ku di un òf otro forma ta embolukrá ku nos enseñansa. Loke ta mas importante pa e desaroyo aki ta ku e profeshonalismo di trahadónan den vèlt mester ser honrá i respetá. Esaki ta nifiká konkretamente ku e partisipashon di vèlt tantu na nivel mikro, meso i makro komo na nivel individual i kolektivo mester ser garantisá na un manera strukturá. Pues trabou i e forma di operá di e fundashon aki ta di vèlt, pa vèlt i ku vèlt di enseñansa i esaki den un forma strukturá.